美國的老字號冬甩品牌Krispy Kreme 早年曾進軍香港市場，最高峰更一度有7 間分店。可惜受金融海嘯影響，08 年宣佈全面撤出香港市場，好多冬甩迷想食時都要走到日本、韓國先有得食！最近Krispy Kreme 喺美國推出冬甩口味潤唇膏，放喺手袋超級可愛，令人立即心心眼！
Krispy Kreme 最近推出冬甩口味潤唇膏套裝，一套五枝都只係美金$5 （稅前港幣約$47），好抵啊！口味包括，糖霜冬甩、士多啤梨糖霜冬甩、朱古力蛋糕糖霜冬甩、朱古力彩虹糖霜冬甩及油炸糖霜冬甩。推出後好多地方都好快賣晒，而家真係一盒難求！
同時Krispy Kreme 都有推出冬甩外型嘅潤唇膏，超可愛啊！一共有三種味道，士多啤梨彩虹冬甩、朱古力蛋糕糖霜冬甩及士多啤梨糖霜冬甩。外型咁可愛，真係望住心情都好啲啊！每個為美金$5 （稅前港幣約$47）。
兩款目前香港都未有得賣，有興趣嘅朋友可以到以下網站瀏覽及訂購。
http://accessories.www.claires.com/search?view=grid&w=Krispy+Kreme+
圖片來源：Popsugar、Instagram @thejunkfoodaisle
撰文：Amber
