對於小編嚟講，夾手指、廷杖已經好慘，但歐洲中世紀就有一啲更匪夷所思嘅酷刑。如果小編生活喺嗰個時期，一定唔敢犯法。
1. 猶大的椅子（The Judas Cradle）
使用方法：將受刑者用繩吊住，下方放置金字塔形狀嘅「椅子」，然後將受刑者繩索往下放，令金字塔頂端插入犯人肛門或陰道。巨大嘅壓力會對私處造成永久性損傷。受刑者往往會因肌肉軟組織撕裂造成嘅感染而死。有時施刑嗰陣，為咗加大酷刑效果，執刑者會喺受刑者身上增加重物，通常會造成受刑者因穿刺傷而死去。
其實中國都有類似嘅酷刑，小編覺得最痛苦係唔會即死，要忍受住嗰種痛楚再慢慢死去。
2. 苦刑梨（Pear of Anguish）
使用方法：苦刑梨由四個金屬葉組成，執刑者轉動頂部螺絲嗰陣，四片葉會慢慢張開。呢種刑具用嚟撕開受刑者皮膚，或者將受刑者傷口撕扯到支離破碎。執刑者將刑具塞入受刑者體內，墮胎婦女就塞入陰道；同性戀者就係肛門；而講大話同犢神者就係口腔。
呢種刑具好少造成死亡，只係令你痛不欲生，當時亦好少單單用苦刑梨，會再用其他工具輔助。
3. 鼠刑（Rat Torture）
使用方法：囚犯被縛喺地面，將一隻老鼠放入金屬容器內，再將個容器放喺受刑者腹部，然後逐漸加熱容器。為咗搵路走，老鼠一定要咬開受刑者身體，之後多數穿過受刑者腸道離開。
呢個酷刑過程通常需要幾個鐘，將受刑者慢慢折磨至死。小編平時見到老鼠都驚，一諗起佢要進入我身體就想嘔。
4. 乳房鉗（Breast Ripper）
使用方法：執刑者會將刑具加熱，刑具上嘅四個「爪子」會緩慢咁將受刑者嘅乳房撕扯落嚟。呢個酷刑主要用喺被控通姦、墮胎、異端、犢神或女巫嘅婦女身上，有時執刑者仲會特登令鮮血飛濺到囚犯孩子身上。
呢個酷刑未必會令你死，但對女人嚟講，無咗對乳房應該都生不如死喇。
5. 裂腦器（Head Crusher）
使用方法：用裂腦器固定囚犯個頭，施刑時慢慢壓碎受刑者嘅顱骨同面骨。就算受刑者喺死亡前中止刑罰，都會造成永久性面部肌肉同結構嘅損傷。
格硬扭爆你個頭，就咁聽都覺得恐怖，難怪咁多人仲未受刑就已經不打自招。
圖片來源：網上
撰者：Kinnie
