隨住年齡嘅增長，係咪成日都覺得好迷茫，做咩都冇哂動力咁，開始質疑自身嘅存在意義呢？當你有呢種感覺嘅時候，恭喜你，你好有可能已經出現中年危機啦！咩話我90後喎，社會新鮮人，中年危機有排啦！咁你真係有所不知啦！邊個話中年人先會有中年危機？今時今日嘅90後都同樣面對住呢個問題架！
1.拍拖好似離我好遠……
「街裏愛人一對對」，90後數下手指都二十有幾，拍拖是常識吧？然而呢個世界就係咁殘酷，冇拖拍嘅90後都比比皆是，然而「一把年紀」嘅佢地已經過左四圍「YO」人嘅階段，唔會周圍識人。身邊拍緊拖嗰啲都好隱定，至少三四年，畢業就結得婚咁濟，新識嘅人都拍曬拖，諗諗下自己兒家去拍拖又要經歷「相識、相處、拍拖」等等嘅過程，冇個兩三年都唔洗指意啦！所以一切都已經太遲！
2.結婚？仲遠
以前嘅人二十歲前都結哂婚生埋仔啦！反而今時今日我哋「二十有幾」嘅講結婚真係言之過早!啱啱先畢業出嚟冇錢又冇樓，冇個五六年都唔洗指意有少少錢揸手啦，更何況結婚！
3.買樓？錢呢？
90後好多都係啱啱出嚟嘅打工仔，事業啱啱起步，讀完大學出到嚟一個月萬零蚊人工一半都用哂嚟還「Grant Loan」，買樓真係發夢都冇咁早！
4.冇哂熱情，日日都好攰
生活好似日日都不斷重複，個人行屍走肉咁，返到屋企根本連野都唔想講就閂埋房門自己一個，冇做過啲咩但又好似做左好多野咁，感覺自己將會孤獨終老。
以上咁多條，你又中咗幾多呢？
圖片來源：網上
撰者：Wendy
