相信大家都會認同剛剛出世嘅BB係世界上最可愛嘅事物之一。不過如果將一粒糖嘅外型整到BB咁樣，你覺得可愛定恐怖？
新加坡出生嘅荷蘭藝術家QIXUAN LIM 最近設計出BB造 型嘅糖。每一粒都係小朋友嘅樣，像真度超高，點解睇落咁詭異嘅？
大家都鐘意小朋友又鐘意糖，點解兩樣嘢放埋一齊咁恐怖嘅......
死喇，睇完咁多圖，好似冇咩胃口食飯添......
25歲嘅QIXUAN LIM 鐘意用人體、動物、死亡做創作主題，創作出不同嘅仿真藝術品。過去曾經用過乳頭、血淋淋嘅內藏作外型題材，創作出不同嘅食物。
放到藥片包裝當中又真係幾似藥。不過如果你食藥時見到呢粒咁「特別」嘅藥片，你仲食唔食得落？
QIXUAN LIM 嘅作品完全係挑戰大家嘅食慾，你又夠唔夠膽食？
圖片來源 : Instagram @qimmyshimmy
撰文 : Amber
