【懷舊系列】教育電視經典場面

教育電視真係由細睇到大，以前一放學就會轉去明珠台睇，而家真係往事一切如煙喇～咁多年嚟ETV又有咩經典場面呢？

1. 傻校長教食橙皮
其實故事講咩小編都唔係好記得，剩係記得校長話橙皮都可以食。想當年小編真係即刻試食，結果……都係食返橙肉算喇～

2. 細菌週年大會
呢個真係百看不厭，一堆細菌喺度討論點害人類，小編最鐘意就係「霍亂菌」，成日都覺得佢好似一串魚蛋～

3. 下雨天留客天留我不留
仲記得小編第一次睇個陣覺得標點符號好神奇，但而家已經唔記得咗有邊7種寫法，你地又記唔記得呢？

4. 分數王國
小編細細個好鐘意睇呢個系列，除咗分數王國仲有小數王國架～

5. 病從口入
睇住佢地屢敗屢試，最後終於整病小朋友，唔知點解有一絲絲開心 :P

6. 東南西北
呢條片最好笑一定係用塊藍布扮游渡海泳，仲要游游下拎指南針同地圖出嚟，真係過咗咁多年都仲記憶猶新！

7. 一理通百理明
最後又點少得呢首歌呢？其實小編剩係識唱頭兩句xd

呢啲經典場面新一代應該都唔係好多人識，小編真係老啦TT Btw香港電台可以考慮電視重播高清版，小編一定第一個舉腳支持！

影片來源：Youtube

撰者：Kinnie