唔少人成日都覺得生咗小朋友就唔可以養寵物，話怕小朋友會有鼻敏感，又話怕毛孩會傷害到BB。
不過事實係點？ 咪就係佢地相處得好好架～唔信？睇埋以下嘅相啦！
話說有個媽媽自從生咗BB之後，就好鐘意捕捉BB同屋企隻狗仔嘅相處時刻，於是就開始咗不停影BB同狗仔嘅工作喇～
平時阿囡帶狗仔出去玩，呢個媽媽就永遠企喺最前，誓要影低佢哋充滿愛嘅一幕～
其實呢位媽媽係一個英國攝影師，平日因為鐘意影小朋友同埋狗仔，所以影咗唔少好作品出嚟～
就連福布斯、每日郵報等等大型媒體都有同佢做過訪問。
後來佢開咗間Studio，直頭專門幫人影呢一類超級溫馨家庭相！
佢利用柔和嘅自然光，和諧嘅色調帶出小朋友同狗仔自然相處時，超級溫馨嘅感覺！
小主人綁鞋帶，毛孩就乖乖坐喺身邊～
無論任何時候做任何事，佢哋兩個總係喺埋一齊，形影不離～
偶爾嚟個情深一吻～
或者齊齊有默契地望住鏡頭～基本上，佢哋已經係每日都活喺鏡頭之下～
小朋友就算無人陪佢玩都唔緊要，因為點都會有忠心小毛孩陪喺身邊～
真係睇到佢哋都覺得好溫暖啊！
完全係一輯超治癒相集～幾多唔開心嘅事都會一掃而空啊！
小編第時成家立室之後，都好希望毛孩可以同自己小朋友和諧共處～
圖片來源: But Natural Photography
撰文: Msrachel
