芫荽就同榴槤一樣，大家對芫荽「愛」、「恨」分明，如果小編喺街食飯碟餸上面有芫荽，嗚啊，真係喊出嚟啊！嗰股「香味」確實不是人人頂得住。你有冇諗過討厭芫荽係天生架呢？
日本近期好興食芫荽，由芫荽薯片、芫荽雪糕、芫荽pancake到芫荽料理都有。其實日本人一向出名唔鍾意食芫荽，但芫荽竟然2016年日本年度熱門食材第一名！官方更大力推廣芫荽含有豐富維他命A同C，可以幫助腸胃消化。
其實討厭芫荽唔係個人喜好嘅問題，而係天生嘅基因問題。根據美國基因學家研究，全球約有15%人討厭芫荽 (咁少？？)，而歐洲更加有近一半人有呢種基因。佢哋身上有一種叫做「OR6A2」的嗅覺基因，呢種基因會令人對芫荽當中嘅醛類化合物（aldehyde）特別敏感，甚至覺得聞落似番梘或者爛泥。
所以話呢，事出必有因，沒有無緣無故嘅恨嘅。
圖片來源 : Internet
撰文 : Amber
