成日話成功需「父」幹，但可能成功只需要一個好女人喺背後支持住自己！等我地一齊睇下歷屆影帝嘅背後女人係邊個喇！
劉德華 (桃姐- 2012年)
華仔過去身邊嘅女人可以話係有靚女、有才女亦有烈女！由葉德嫻到梅姐到關之琳到而家同埋朱麗倩結埋婚，呢幾個女人都一定有俾華仔養分、靈感同埋「愛」！無話特別邊個做得好啲，但只可以講現任嘅朱麗倩係華仔嘅忠實粉絲！所以華仔有今日嘅成就，真係唔少得呢一班敢愛敢恨嘅女人，佢地一定付出咗好多好多。華仔顧家小編就唔敢講，不過佢好彩嘅係，佢有才華，就算唔顧家，對佢嘅另一半嚟講又算得啲乜呢？
梁家輝 (寒戰- 2013年)
梁家輝嘅背後女人唔至一個，而係有三個！第一個女人而家唔係一個靚女，但佢曾經係一位靚女。第二第三個女人係靚女，但佢地兩個係同一個樣！無錯，第一個係佢老婆，第二第三個係佢個孖生女！係成班女人嘅家庭裡面，家輝可以話係艷福無邊！雖然佢老婆已經走晒樣，唔似以前咁年輕貌美，但佢溫柔嘅性格正正係令家輝最感覺到溫暖！而同時間，家輝忙著拍戲之餘，亦都冇忘記同佢班女人行街睇衫去沙灘！梁家輝可以話係又顧家，又有一個顧家嘅老婆，羨煞旁人！
張家輝 (激戰/証人-2014年/2009年)
張家輝嘅背後女人當然係佢老婆關詠荷。佢拎影帝時喺台上感謝佢老婆喺屋企付出咗好多，所以先可以將精力放喺演戲上。其實佢地拍拖嘅時候，張家輝都有因為覺得自己無前途同過阿陀槍師姐講分手！不過，全靠師姐嘅眼光，留住家輝，而家先可以同佢一齊享受捱完之後嘅美好生活。
劉青雲 (竊聽風雲3/我要成名, 2015年/2007年)
呢個真係大家都知！劉青雲背後嘅女人就梗係1991年香港小姐冠軍郭藹明。相信好多人都因著「太空論」不斷睇到有關佢地以前相識嘅故仔！1998年結婚到而家，郭藹明都甘願支持著青雲，無論係放棄高薪厚職，定係照顧家庭，佢都做到好足。擁有一個咁賢慧嘅女人，唔怪之得青雲可以拎金像獎影帝拎完又拎喇！
郭富城 (踏血尋梅- 2016年)
城城就差咗少少喇！喺上年頒獎典禮俾嘉玲姐話唔專一！城城可以話曾經有好多女朋友，連同熊黛林一齊咗7年嘅戀情都可以放棄，而喺2015年時戀上年紀可以做到佢個女嘅方媛到2017年結埋婚，你真係唔可以睇少城城嘅魅力！真係由廿幾歲嘅妹妹到快要40歲嘅姨姨都曾經敗喺佢手上。呢位影帝真係唔野少！
林家棟 (樹大招風- 2017年)
噚晚家棟喺台上有提及到嘅女人都只係阿珍姐同阿媽，其實佢同佢啲女朋友都分晒手！唔知家棟嘅前度噚晚望住個電視機時，心諗係家棟做到影帝，定希望佢地做唔到影帝呢？佢做完影帝，身價即升十倍，佢啲女友會唔會食回頭草呢？我地真係要拭目以待喇！
圖片來源: 網上
撰文: Gloria Leung
