想要天然嘅燒脂法，其實唔係無嘅！今次小編就介紹你一個「五青減肚腩法」！
話明五青，咁梗係要有五樣綠綠地色嘅物體可以令你「飛」一般嘅感受。
1.青蘋果汁
有時覺得去「大」去得唔係幾暢順，飲青蘋果汁可以幫助你條腸蠕動。仲可以整走啲脂肪，便便easy，肚仔happy！
2. 青瓜汁
鐘意靚嘅你平時青瓜一係用嚟敷面，一係用嚟食，一係就喺寂寞嘅時候用嚟‧‧‧(咳咳)。其實青瓜汁好有用，可以清腸，排毒，非常好！排到毒即係可以整走啲脂肪啦，完美呀！
3. 青椒汁
仲後生嘅仔仔囡囡其實新陳代謝都幾快，不過到咗25歲以上嘅人嚟講，新陳代謝會慢咗，所以會容易積聚脂肪。呢個汁可以激起新陳代謝，整走多啲脂肪！
4. 苦瓜汁
媽，好苦呀！！！ 苦口良藥呀小朋友！其實苦瓜可以增強新陳代謝，排走毒素。簡直係燒脂同暗瘡良藥！
5. 西芹汁
好多人都唔係幾食西芹，何況係西芹汁！不過對於可以接受到西芹嘅人嚟講，西芹真係可以清腸胃，去油脂，清宿便，想燒脂嘅你‧‧‧試下啦！
小編為咗沖涼時候仍然望到腳指，今晚決定將所有汁加埋哂佢，「good」一聲飲晒佢！
圖片來源；網上
撰文；Gloria Leung
