(請確定你已年滿18歲先好睇落去！）
好多時廣告創作人嘅構思同意念都唔係咁容易睇得出架，小編最近就睇到一輯相，就咁睇真係唔知究竟係賣咩之餘，仲差啲以為自己中咗毒開咗咸網啊！
大家一齊嚟睇下！但係喺office嘅話小編要溫馨提示一下你，最好唔好睇得咁張揚，仲要留意下附近有無人啊！
嗚哇！！你睇到以下呢張相，你覺得呢個廣告到底係賣咩嘅呢？A. 壯陽藥 B. 床單 C. 髮型屋 D. 耳環
唔通係D？但唔係喎，下面呢張又無戴耳環！唔通真係髮型屋廣告？
錯！錯！錯！錯晒啊！呢度無一個選項係正確答案！正確答案係...賣！衫！（你無睇錯佢地真係Sell緊衫...雖然佢地除晒咁滯...）
呢輯相係一個美國品牌叫ECKHAUS LATTA嘅今季春裝廣告平面照～
呢輯廣告搵嚟幾對真實嘅情侶，喺鏡頭面前做愛。
唔止男同女，仲有男同男～
重要部位打晒格仔，但係做緊咩其實都好顯而易見。
小編喺度諗，個廣告會唔會係想話比大家知，呢個品牌嘅衫可以除得快或者好方便，除咗搞又得，著住搞亦得，得咗！？
只係睇完呢幾幅相係咪真係會有人記得果幾套衫係咩樣？同埋真係會有購買意慾？！
小編表示真係睇唔透，而品牌官方IG都有post 出幾張呢系列嘅相，換嚟嘅評價都幾兩極化。例如有人直頭選擇unfollow個品牌，有人大鬧呢個廣告，亦有人問究竟sell緊咩...
但係都有人好欣賞喎，話好肯定設計師唔會因為唔鐘意呢個廣告而unfollow嘅人而唔開心，仲話啲人唔識欣賞添～
其實弱弱地講句，小編都真係唔識欣賞...以前都唔係咁跳tone架...
咁樣正正常常唔係幾好咩？
圖片來源: ECKHAUS LATTA、eckhaus_latta@ Instagram
撰文: Msrachel
