香港有幾多隻老鼠小編就真係唔知，亦無一個官方紀錄，但小編就知道一啲有效嘅滅鼠方法，如果大家屋企咁不幸有老鼠，就不妨試下啦～
1老鼠呢樣小編都唔洗點解釋，放個老鼠夾喺洞口，再喺夾上放啲誘餌，咁就可以活捉佢地香港有幾多隻老鼠小編就真係唔知，亦無一個官方紀錄，但小編就知道一啲有效嘅滅鼠方法，如果大家屋企咁不幸有老鼠，就不妨試下啦～
1. 老鼠夾
呢樣小編都唔洗點解釋，放個老鼠夾喺洞口，再喺夾上放啲誘餌，咁就可以活捉佢地啦。
2. 老鼠藥
用老鼠藥製成各種誘餌，既方便又效果好，佢地食完仲唔一命嗚呼？
3. 食鼠動物
除咗貓之外，黃鼬、貓頭鷹、蛇都會食鼠架，所以如果屋企好多老鼠，就可以養呢啲動物嚟滅鼠～
4. 水泥滅鼠
用少少油炒熟麵粉，之後溝乾水泥，放喺經常有老鼠出沒嘅地方。老鼠食完之後，水泥會喺腸道內吸收水份而凝固，最後老鼠就會因為便秘而腹脹死。
5. 貓音滅鼠
錄低貓強烈嘅顫音，再放喺老鼠成日活動嘅地方播放，佢地聽到之後就會勁驚周圍走。不停重播之後，老鼠就會呆滯、食欲不振、停止繁殖，最後慢慢咁死。
6. 用鼠滅鼠
注意！呢個方法極度噁心！首先你要捉住隻老鼠，放啲黃豆入佢肛門再縫埋。唔洗幾日，黃豆就會發脹，令到老鼠極度難受，之後就會發癲周圍咬其他老鼠，傳聞有人試過一日可以咬死十幾隻。呢個方法雖然可以大規模廝殺，但係要親手接觸隻老鼠真係唔係人人做到。
以上有啲方法雖然奇怪，但都證實有效。不過講到尾，大家注意環境衛生，唔俾機會佢地繁殖生存，先係治標又治本嘅滅鼠方法呀～
圖片來源：網上
撰者：Kinnie
