2016年尾，佢地將喺呢一年入面最標誌性，最代表果個地方既142張照片組合起黎，當中唔係影佢地既領導人，反而係日常生活中既老百姓，係一輯關於世界各地生活的相集。
小編精選當中既相同大家一齊放眼世界，睇下2016年世界各地既人係點樣生活。
阿爾及利亞：受戰亂影響，唔少難民無家可歸。兩個小女孩喺阿爾及利亞南部學校附近的難民營中彼此擁抱。生活很難過，但至少得到一點安慰。
安哥拉：首都羅安達有一半人口處於貧困線之下，大多數人的生活條件都好差，經常會缺電和水。處於半乾旱氣候區既羅安達，當日落起大雨，唔少人都要赤腳行過一條在雨中浸滿垃圾的路。
澳洲：愛爾蘭背包客Genna Woods喺悉尼的邦迪海灘度，過一個熱辣辣的聖誕節。
阿塞拜疆：當地人會浸喺裝滿原油的浴缸入面，因為佢地認為咁可以醫好七十幾種病，例如係神經系統疾病，皮膚病，甚至陽痿。
孟加拉：一個男仔喺媽媽工作既餐廳附近玩沙，當地人口稠密，當中更加有唔少人屬於極度貧困，好多小朋友都唔會好似城市人咁有大量玩具。
不丹：快樂國度不丹以藏傳佛教為國教，大佛俯瞰整個城市，就好似正庇佑不丹人民一樣。
玻利維亞：當地一位土著婦人，正練習攀爬陡峭的瓦伊納波托西山。該山位於玻利維亞西部，屬於安第斯山脈的一部分，海拔高度足足有六千米以上，除左超級寒冷氣候之外，跨越冰川裂隙同雪崩危機都係對攀山者的重大挑戰。
波斯尼亞：在斯雷布雷尼察大屠殺中失去家人的Bida Smajlovic在海牙法庭審判前，在紀念牌附近禱告。大屠殺於1995年7月發生，造成8000名當地平民死亡，終於喺2016年3月獲國際法庭裁定為種族滅絕，當時總統拉多萬·卡拉季奇最後被判監40年。
巴西：巴西一向比人火辣辣既感覺，但原來當地婦女都好嚮往擁有一條比堅尼線。就算巴西本來陽光普照，佢地都唔係走出去曬日光浴，反而係靠膠紙去痴出啡色既比堅尼線。
中國：文革年代時，「爹親娘親，都不及毛主席親」。時至今日，中國唔少家庭仍然有毛澤東既相掛喺大廳，2016年在毛主席故鄉河南省的一個村莊入面，更加有一個巨型毛主席金雕像，反映佢喺市民心入面仍然有一個重要位置。
剛果民主共和國：剛果士兵逮捕一名抗議政府未能阻止布滕博鎮的殺戮和種族間緊張局勢的市民。2016年剛果發生多次種族衝突，東部更有幾十個叛亂團體發生衝突，結果造成多人死亡。
芬蘭：聖誕老人騎住雪橇，準備在北極圈的聖誕節。
危地馬拉：一間被山泥傾瀉破壞的兒童房，前年危地馬拉受山泥傾瀉侵襲，造成三百人死亡，到2016年，山泥傾瀉仍然未有遠離，造成最少九人死亡，房屋受到破壞，幾十人無家可歸。
冰島：此乃冰島人民歡迎足球國家隊凱旋回歸的畫面。2016年歐國盃，冰島歷史性以２比１踢贏足球祖國英格蘭打入八強，縱使最後八強止步，冰島仍然係今屆歐國盃最大驚喜！
敘利亞：一個人走在損壞的建築物廢墟中。反叛者的空襲，敘利亞受到空襲威脅，政府軍在俄軍協助下，向對立的反政府武裝部隊所控制的阿勒頗東部地區，發動大規模空襲，建築物倒塌，變成一片頹垣敗瓦。
阿富汗：Sharbat Gula，於1985年的獨照登上國家地理雜誌，成為阿富汗戰爭的象徵，擁有綠色眼睛的這位“阿富汗女孩”已經長大了，但戰爭卻仍然持續進行中，國家仍然處於長年貧困狀態。
2017年的來臨，但願世界各地的人都可以有更好的生活。
圖片來源: Reuters
撰文: Msrachel
