唇膏，絕對係令成個妝容加分嘅地方，普通嘅淡粉色同豆沙紅色，已經可以令人顯得更加有神。不過，加拿大化妝師Andrea Reed唔滿足於普通嘅唇妝，佢仲大搞新意思，黎個唇妝大變身!
▼ 普通嘅單色唇膏，或者平平無奇，不過化妝師以幾何線條打造型格唇妝，又或是深淺不同嘅顏色塑造迴旋效果，玩味感UP!
▼ 就如印度彩繪Henna般，簡單嘅線條勾勒已經較普通唇妝更特別，或者為唇妝繪上碎花圖案，同衣著襯埋一套~
▼ 用咀唇做畫布，可以將七彩斑駁嘅顏色或者夜景下嘅燈光作為全妝焦點
▼ 鮮花與綠葉，連唇紋都可以配合作為葉紋
▼ 西柚、鮮橙、檸檬、青檸，簡單顏色嘅轉變，襯出夏日風情
▼ Alice in the Wonderland妝容~ 化全妝又得、單單唇妝配合亦得
▼ 唇妝嘅設計，可以同眼妝、指甲配合，打造一整套Bling Bling造型
▼ 連假眼睫毛都可以襯埋一set，利用簡單嘅黑色線條營造簡潔優雅風格
▼ 亮黑雙唇加上如金箔般嘅顏色，鮮紅底色加上筆直線條，同樣配上一樣風格嘅指甲造型，低調中見心意
▼ 用唔同嘅刷具可以塑造新鮮感，又或者利用對比嘅顏色突出設計
▼ 發揮創意，有時候連唇膏都唔使就可以打造全新唇妝。運用不同嘅物料，例如亮片同棉線就可以塑造獨一無二嘅唇妝。
▼ 寶藍色嘅唇膏，加上白色眼線筆嘅雪花點綴，即刻有冬日雪花飄飄嘅感覺!
▼ 連星空同黑夜都可以重現唇上，仲可以幫自己嘅唇膏改頭換面
▼ 粗黑線條同圓點，無論眼妝、唇妝同指甲都展現中性嘅簡約美
▼ 唔同形狀嘅閃亮寶石，打造七彩馬賽克嘅奢華風格
▼ 其實Andrea Reed不時都會上載唔同妝容到佢嘅Instagram，造型百變，創意多多不時都會有嶄新idea! 如果你都有興趣想知多啲唇妝或者妝容打扮，就要follow Andrea嘅Instagram喇!
圖片來源：Instagram - girlgreybeauty
撰文：小毒絲
延伸閱讀
