Wazoo係一個專門設計同生產戶外用品嘅品牌，品牌宗旨拯救生命，部分收益會捐去非牟利搜尋及救援組織，致力拯救更多生命。
今次研製嘅Cache Belt外表平平無奇，其實內裡大有乾坤，仲分為三個設計，配合不同需要。
Minimalist：尼龍織帶、暗格、開瓶器、齒輪環、銀珠鍊
Essential：釣鉤、漁墜、安全別針、針、釣魚絲、哨子、繩索、紮帶、膠紙、電池、鎂棒、水容器、淨化顆粒
Adventure：水質過濾網、鍚紙、陶瓷刀、電筒、路徑記錄、創傷貼、指南針、單面反光訊號鏡、黃銅線
暗格可以將貴重財物收埋，適合back packer遊覽鬧市。
開瓶器絕對係遠足旅行必備良物。
我最欣賞就係品牌嘅名片，因為佢貫徹主題，你估吓佢仲有咩用途？
張名片其實可以摺到立體企喺度，放上炭粒就成為一個小營火，真係物盡其用，非常抵讚！
其實好多時候想去行吓山㗎，但一諗起要拎好多嘢就覺得好辛苦，依家有Cache Belt我都想即刻去冒險。
Cache Belt大約2017年1月就會出貨，有興趣嘅朋友可以去呢度->kickstarter支持一下。
資料來源：kickstarter
撰文：Elefante
