就咁睇都未必知佢係乜，其實佢係一枝4合1嘅量匙，將會係你廚房嘅好幫手！
唔用嘅時候就好似一張紙，用嘅時候只需要摺起所需要嘅深度，簡單方便！
因為形狀扁平，清潔非常容易；仲可以將材料抆得一乾二淨，絕不浪費。
無論係液體、粉末定半液體狀都冇問題。
相比起傳統量匙，Polygons真係簡單好用又時尚。
一set入面有齊茶匙同湯匙。
想與時並進嘅朋友可以到kickstarter購買，依家預訂只需要US$8就有一套，於明年1月見世。
圖片及資料來源：kickstarter
撰文：Elefante
