航拍機一向都有用嚟運送物資嘅討論，但喺因為安全問題，始終都唔可以實行。但喺今個月中開始喺日本就局部解禁，離市區好遠嘅離島同山間部可以用航拍機嚟運送物資。
以前喺日本要用航拍機運物資只可以喺可見範圍之內，可以運送嘅距離真喺唔會好遠。但日本嘅交通部門今次就將限制放鬆，只要喺不高於150米嘅「山、河、海等等人好少機會進入嘅地方」，即使肉眼睇唔到嘅距離都容許用航拍機飛行。
但為咗確保安全，應對喺飛行途中出現嘅異常情況，要使用可以即時喺附近安全地方著陸嘅機體都喺條件之一。另外，為咗可以即時知道天氣變化而緊急著陸，機體上或者飛行路徑上都需要有鏡頭或氣象感應器。
另外，起飛同降落嘅地點都要做到其他人唔會都唔會隨意就可以靠近。要事先設立一個「航拍機點」，有欄柵圍繞該地點，而使用者就可以到該處接收物件。
用航拍機運送物資嘅好處，比用真人運送多出好幾個，例如成本減少、災害發生時都可以無阻礙運送、客人唔洗特登到遠處購物。雖然宜家仍然有好地唔方便嘅使用限制，但喺若果可以靠現階段嘅實用例子證實用航拍機嘅安全性，相信日後會有更多限制會解除。
撰文：Oliver Fong
