由英國嘅信用卡「巴克萊卡」所做嘅調查，消費者入面大約10人會有1個，買會衫影相自拍完就會立即退貨。
調查以18歲以上嘅英國男女2002人作為對象，喺5月25日至6月1日進行。當中以35至44歲群組退貨機會率最高，大約5個就有1個表示為咗喺社交平台上投稿，而買「只著一次」嘅衫。
的確Instagram每一日都會有唔同嘅自拍投稿上載，同時會配上「#outfitoftheday」或「#ootd」等標籤，現時已經有約2億3000萬以上個投稿。數據亦暗示有一部分消費者真喺有可能為咗追上潮流，而以退貨作為前提專登買衫。為咗可以順利退貨，有15%男性同11%女性直頭唔會剪走衫上面嘅牌嚟著。
而喺調查之中更意外發現，男性其實更想向其他人展示佢著唔同嘅衫。喺投稿後退貨嘅比率，男性佔12%；女性則佔7%。而比人見到著一模一樣嘅衫會覺得羞恥嘅比率，男性佔10%；女性則佔7%。
巴克萊卡付款方案部門嘅負責人George Aradise就表示「社交平台嘅存在令退貨文化加速，當中有深一層嘅意義。退貨對於小商戶有好大嘅衝擊，由調查可見規模更可達70億英鎊。」而為咗喺社交平台上投稿嘅進行購買，並唔喺只喺英國發生，全世界都有類似嘅行為。當中更有買完之後就捨棄嘅現象，同樣都喺為咗放上社交工台而購買。
撰文：Oliver Fong
