通常大家敷面膜都係1個鐘搞掂晒，但台灣新出嘅清潔面膜就要敷2個鐘！但效果好嘅就咩都無所謂喇～小編講嘅就係BP嘅極透淨膚清潔面膜，黑色嘅包裝加燙金logo，即刻成件事高級晒～
呢款面膜主打清潔功效，成分中含有天然膠原淨膚因子，透過長時間敷用將隱藏喺深層嘅毛孔油脂通通吸晒出嚟～
打開包裝之後記住撕咗上下兩層嘅網膜，之後再剪埋眼膜個位貼喺鼻翼兩側，咁就成塊面都包到實一實喇～
呢款面膜夠晒貼服，就算睇劇瞓覺都完全無問題！
終於到最治癒嘅一刻喇！敷完2個鐘之後將面膜浸喺水1分鐘，就會見到臉部油垢通通浮現出嚟，望到都覺得恐怖…
使用頻率大概每個星期一次，如果真係好好好污糟就可以3至4日一次。同埋敷完之後大家記得要用cream保養返啊～
