每個女人都希望自己有長腿翹臀，Apink孫娜恩近排就分享咗可以令下半身更有曲線嘅運動，睇完小編都想即刻買返個瑜伽滾輪啊～
1. 塑造翹臀
如果想屁股夠實夠翹，可以放滾輪喺腹部，兩手伸直放喺地下，雙腳開合10次。
之後再夾實兩隻腳，提高放低10次。
2. 塑造背腰曲線
如果唔想虎背熊腰，可以趴喺地下，對手打開同膞頭一樣闊，將滾輪放喺手肘位置，之後將滾輪滾前滾後。如果你感覺到腹部有伸展就代表動作做得啱啦～
3. 塑造修長腿部曲線
將滾筒打直放喺地下，雙手放喺滾輪上，然後墊起腳尖，保持上半身筆直咁下蹲，同其他動作一樣做10組。
4. 減屁股大腿
今次唔洗用滾輪，首先弓箭步企，後腳微微抬起再放低，一直持續10組。
瑜伽滾輪而家好多地方都有得買，除咗可以做運動，做到痠痛個陣仲可以用嚟按摩，真係一舉兩得啊！
圖片及資料來源:Youtube
撰者:Yee
