好多人都好中意宇宙系列嘅產品，貪佢圖案靚得嚟又低調，日本品牌ACCOMMODE推出咗一款小圓包，將星空圖案印上去，再搭配上圓型設計，啱哂女仔出街用！而且每一款設計都好獨特，符合哂唔同品味嘅朋友～
首先月球款，整得好逼真，好似揹左個小月亮喺身上咁！
另外重有大家都好熟悉嘅行星款，例如水星同金星，中意藍色嘅女仔一定唔可以錯過水星款，兩隻款都係完全仿造佢地真正嘅外表去製作。
再嚟就係海王星（左）同卡利斯多衛星（Callisto）。中意星空嘅朋友，Callisto啱哂你，低調得嚟又特別。Callisto一般人可能對佢唔係咁熟悉，佢係圍繞木星嘅一顆衛星，表面睇落好似成個宇宙咁。
最後有啡色嘅火星款同米色嘅木星款，同之前幾款相比，依兩款就比較低調，唔太中意華麗嘅朋友可以考慮下依兩款。
雖然睇落好似好細，但其實依款袋容量都唔錯架～
入面有一個夾層，放銀包、電話、鎖匙、外置差電同埋小小化妝品絕對無問題！
資料及圖片來源：Accommode
撰文：Yanica
