無論係邊個都好，宜家每個人都越黎黎忙。一日入面又要打機清體、睇吓facebook、自拍，做嘅野好多但係手就得兩隻。遇上雨天仲加唔掂，仲要分一隻手出黎擔遮，搞到咩都做唔到。
為咗滿足大家嘅需要，宜家日本出咗一把只需要用個頭擔既遮，等你可以放開隻手出黎做乜都得。好處多到數唔晒，生產商就列咗幾個例子比我地。好似落雨去買野果陣，你就可以用兩隻手抽野。去釣魚既時候，又可以一手揸著支魚竿一手轉個手絞。
如果你行行吓街想停低轉隻扭蛋又得，唔洗收遮淋濕就可以輕易搞得掂。
當然係晴天烈日當空嘅時候都用得著啦，唔洗比太陽曬到黑晒。
摺埋嘅時候，直徑6cm x長34cm。方便帶出街，隨時可以拎出黎用。
打開既時候，直徑長達95cm，包保雨水唔會淋倒你個頭。
配戴方法簡單，可以調教鬆緊度。 
呢把遮唔好睇佢咁有創意就以為佢好貴，其實佢只係賣1280円，姐係大約100蚊港紙。除左可以係網上買倒之外，去THANKO秋葉原本店都可以搵倒。有無心郁郁去買返把黎玩吓呢？
撰文：Oliver Fong
