高跟鞋源起
高跟鞋嘅起源好可能係由波斯騎兵傳入歐洲。當時，波斯人為方便作戰，發明一種皮革製高跟馬靴。高跟鞋鞋跟可以令戰士騎馬企起身射箭時，卡住腳踏。
16世紀，高跟鞋傳入歐洲，並逐漸受到歐洲貴族喜愛，係歐洲上流社會迅速流傳興起，成為歐洲貴族一種身份象徵。即時當時道路都係爛泥路，完全唔適合高跟鞋行走，但係高跟鞋身為貴族身份象徵，貴族當然唔會咁易就放棄。
▲十七世紀的波斯騎行鞋，讓男人的腳與馬鐙契合，並影響了歐洲的男裝。
▲十七世紀歐洲貴族男童流行鞋款。
喺1670年代，當時法國國王路易十四更規定只有其官廷人員先可以著高跟鞋，仲規定只有貴族可以著紅色紅跟呢。
▲路易十四都鍾意穿著被紅色高級絲綢包裹鞋跟嘅高跟鞋。
▲路易十四穿著紅色高跟嘅高跟鞋
▲路易十四嘅紅色高跟鞋
女人興起著高跟鞋
第一個著高跟鞋嘅女人係法國王后凱薩琳·德·美第奇。1533年，王后繼推行束腰後，又命工匠幫自己造軟木高跟鞋。而官廷女眷發現女王著咗高跟鞋更有氣質，就開始著起高跟鞋。
17世紀時，貴族女性亦流行著陽剛味十足嘅男性高跟鞋，走中性風格。
男人捨棄高跟鞋 高跟鞋成為女人象徵
後來歐洲進入啟蒙時期，講究理性與務實，男人開始捨棄華而不實嘅高跟鞋，於是高跟鞋漸漸係男性社交圈絕跡。就此，高跟鞋成為專屬女人嘅象徵。
而法國大革命後，女士亦漸漸唔著高跟鞋，熱潮減退。去到19世紀中，女人著高跟鞋熱潮又返嚟，並出現係法國攝影師嘅情色相裏，漸漸地，高跟鞋成為性感嘅象徵。
現代男名人著高跟鞋
喺20世紀70年代嘅Disco時代，男人著高跟鞋係搖滾圈成為潮流。例如以下提到Elton John ，經常變換裝扮，有「變色龍」之稱嘅David Bowie。
▲《獅子王》主題曲演唱者Elton John
▲「搖滾變色龍」David Bowie
香港提起著高跟鞋嘅男明星，一定會諗起張國榮於《跨越97演唱會》上著紅色高跟鞋演唱《紅》一曲啦！
+
▲《跨越97演唱會》張國榮穿著紅色高跟鞋表演<紅>一曲
▲張國榮在演唱會裏著嘅紅色高跟鞋
資料及圖片來源:互聯網
文:維安
