代母產子係呢個年代已經唔係啲咩新鮮事，好似美國supermodel Tyra Banks上年都透過代母生左個仔仔。香港都有好多cases，好似李兆基長子李家傑就用代母生左三胞胎。
▼Tyra Banks同兒子合照
最近美國有一單代母產子案就比較特別。話說一對中國夫婦喺加州搵左個代母幫佢地生仔。代母Jessica Allen懷孕期間一檢查到自己懷緊雙胞胎。劉氏夫婦知道呢個消息後梗係好開心啦，仲將原本3萬美金嘅報酬加到3萬5千美金。但過左一排之後，BB開始大個，劉氏夫婦見到其中一個BB個樣完全唔似中國人，仲有將分似外國人，於是佢地就做左個DNA test，最後竟然發現其中一個唔係出自佢地嘅基因，而係出自Jessica。
原來Jessica係做代母期間有問准醫生同男朋友發生性行為，當中係有使用安全套，但意外就真係意料次外，佢地都係呢個萬分之一嘅機會下懷孕。Jessica當然想拎返自己個仔啦，但劉氏夫婦喺法律上先係雙胞胎嘅父母，好嬲劉氏夫婦決定將BB送去比人領養，而唔係還比Jessica。
Jessica最後要透過領養先可以拎返自己個仔。我就覺得其實劉氏夫婦有必要咁嬲咩？同埋生命唔係貨物，邊有得咁處理？
▼Jessica個BB
撰文: JJ Wong
