墨西哥舉辦咗模特兒選美賽，希望可以搵到一個代表到墨西哥嘅「國際模特兒」。比賽大會規定參賽者要身高178cm以上、年齡17-27歲、擁有和善面孔、大學學歷同識講英文，因為要求太高而最後得6個人參加～
本來滿心歡喜諗住點都有一半機會入三甲，仲獲大會安排影晒泳裝照、便服照同正裝照做宣傳，甚至仲上埋電視節目宣傳自己，點知大會突然宣佈由於參賽者唔符合佢哋要求而取消比賽！
外國就有網民整埋惡搞圖恥笑呢件事，仲話正正因為大會要求太高先無真正美男敢參加～
真係好同情嗰6個參賽者，唔知香港又會唔會因為參賽者太不堪入目而取消比賽呢～
