大家仲記唔記得邊個係2007年香港小姐冠軍？當年有邊個參選你又記唔記得？
1. 張嘉兒
原來佢拎冠軍已經係2007年嘅事，仲記得當年好多人話佢係「豬扒港姐」，而家睇返大家又覺得點呢？
佢一直都喺TVB做主持同拍劇，幾年前仲開埋外語學校～自從嫁咗俾金融財俊之後就愈嚟愈索，上年仲做埋媽媽添～
2. 王君馨
呢兩日大家都俾佢嘅結婚相洗版，小編都唔洗多加介紹喇～佢當年係香港小姐亞軍、最上鏡小姐同國際親善小姐，過咗10年個樣都無點變啊～
10年嚟佢咁多形象，你又最鐘意邊款？
3. 周美欣
貴為季軍嘅佢，除咗拍劇之外，仲做過歌手同模特兒，可惜都未能突圍而出，佢而家已經修畢鑽石鑒證課程打算從事珠寶生意，大家以後應該無咩機會再喺電視見到佢喇～
4黃智雯
當年黃智雯一個獎都拎唔到，但佢喺TVB都發展得唔錯，而家仲經常都會見到佢拍劇架～
5. 何傲兒
相信大家對何傲兒嘅認知就係佢同林建名嘅「爺孫戀」、周子揚嘅「兒子戀」。雖然佢有拍過劇，但都只係啲無咩人記得嘅小角色，而家睇返轉頭，佢好似參選嗰陣靚啲……
圖片來源：網上
撰者：Kinnie
