以下11種職業專屬某國家獨有，都係針對國家內部問題而生嘅，小編就覺得斑馬交通警呢個職業最可愛啦！
玻璃維亞 ：斑馬交通警
喺玻璃維亞拉巴斯(La Paz)，市民（16歲至22歲）會由政府俾錢著上斑馬公仔衫指揮交通，協助啲行人過馬路。
▲玻璃維亞嘅斑馬交通警
{youtube}YViEfzfeyd8{/youtube} |
多得呢套咁突出又盞鬼嘅斑馬裝扮，好快得到啲車同巴士嘅注意，加上佢地本身富有娛樂性，確實幫到更多人跟隨交通指示～（有時幽默一下都可化解問題嘅！）
日本：塞人入電車專員(Oshiya)
▲日本嘅塞人入電車專員
喺東京呢啲大城市，人多擠逼，上車就好似香港金鐘站咁，要不停逼逼逼入車廂～電車營運商會請人專門塞啲乘客入車，確保每個乘客都係塞到入車廂裏，無被車門夾住。
（覺唔覺硬要塞人上車，搞到人類好似係好低賤嘅生物....）
印度：派送屋企飯盒專員「達巴瓦拉」(Dabbawalla)
▲印度：派送屋企飯盒專員「達巴瓦拉」(Dabbawalla)
「達巴瓦拉」即係專門派送屋企飯盒專員，最常見於印度孟買。每日中午時，佢地會到委託人屋企到拎飯盒，然後就推車仔將飯盒送到委託人工作地方啦。
呢個係印度特有職業～據維基百科，呢個係孟買高度專業服務，有超過一個世紀歷史。「達巴瓦拉」概念係始於印度被英國殖民，好多嚟到印度嘅英國人都唔鍾意印度食物，於是將午飯由屋企直接送到委託人工作地方嘅服務就應運而生啦。
英國：數天鵝數目小隊
▲英國：數天鵝數目小隊撐船係河上撈起天鵝
英國嘅米德爾塞克斯，薩里，白金漢郡，伯克郡和牛津郡有個傳統係數天鵝數目，並且會匯報天鵝有無受傷情況。
根據英國傳統，任何開闊水域嘅天鵝都係女王財產。每年七月，英國女王會派數天鵝數目小隊數算泰晤士河中嘅天鵝。
數天鵝呢個傳統可以追溯到12世紀，當時，天鵝係王室嘅一道料理，當然，今日係為咗保育～
英國：「烏鴉大師」
▲照顧倫敦塔裏嘅烏鴉嘅烏鴉大師
英國地標倫敦塔住咗好多烏鴉，當地人相信烏鴉會出現係塔係保護倫敦以及收藏於塔裏嘅皇冠。於是就出現「烏鴉大師」，著住紅黑製服係到保護啲烏鴉以及確保佢地唔會飛走。
智利：靚女長腿侍應（Café con piernas）
▲智利聖地牙哥靚女長腿侍應
智利聖地牙哥有種特別咖啡店叫「Café con piernas」，即係「咖啡與美腿」意思，店裏嘅女侍會穿低胸衫、迷你裙、高踭鞋，露出長腿遞咖啡俾客人飲，有啲侍應甚至會穿比堅尼服務個客tim～
伊朗：遮擋車牌人員
▲伊朗：遮擋車牌人員
伊朗首都德黑蘭私架好多，令當地交通擁擠、空氣染污嚴重，於是當地政府限制一日內車輛行駛數量。而有啲人為咗避開呢條規定，會請人行係架車後面擋住車牌，咁樣先唔會被捉到。
南非：鴕鳥保母
▲南非嘅鴕鳥保母
有工作人員負責照顧鴕鳥，確保鴕鳥不會啄到其他鴕鳥受傷。
梵諦岡：瑞士近衛隊
▲「瑞士近衛隊」(Swiss Guards)站崗
「瑞士近衛隊」(Swiss Guards)自15世紀開始，係好多重要活動上擔任守衛角色，不論係貼身保鏢定係教會儀式守衛，五百幾年嚟佢地一直保有守護教會嘅傳統。加入瑞士近衛隊嘅條件必須係19-30歲的男性、身高唔可以低於174公分，瑞士籍居民，信仰天主教、有高中以上學歷，曾服務瑞士軍隊兩年。
係梵諦岡外面經常見到佢著上藍金直條制服站崗～
荷蘭：單車打撈員
▲打撈機打撈咗一堆單車
喺阿姆斯特丹，市民以單車代步好平常。每都都有好多單車掉入水裏，呢個時候專業嘅單車打撈員就會用機器爪撈返單車上岸。據估計每年都會撈出大約 15,000架單車。
摩洛哥：賣水員
▲掛滿鈴啷同銅管樂器嘅賣水員
喺摩洛哥觀光勝地，經常會見到一班著住大紅衫嘅人，身上掛滿鈴啷同銅管樂器，戴上有流蘇嘅帽，佢地就係洛哥嘅賣水員。口渴想飲水時，只要嗌一聲，佢地就會拎起駱駝水袋倒水入銅杯俾你飲。
資料來源：http://www.businessinsider.com/jobs-that-only-exist-in-a-country-2015-9
圖片來源：互聯網
文：維
