日本人氣模特兒平子理沙（Risa Hirako）自出道以嚟都一直都備受矚目。擁有火辣身材及凍齡外表嘅平子理沙，完全睇唔出今年已經46歲！
1971年出世嘅平子理沙19歲就出道成為模特兒，入行超過20年，係不少日本女生心目中「成熟可愛」代表。由出道到而家都保持青春可愛外貌，從頭到腳都睇唔見歲月嘅痕跡，難怪不同年齡層嘅雜誌或品牌都鐘意搵佢宣傳啦！
自從2015年同老公吉田榮作離婚後，平子理沙生活絲毫不受影響，影相更愈嚟愈火辣。愛用Instagram 同粉絲分享靚照嘅平子理沙早前更post出幾乎全裸扮兔女郎嘅相，性感指數破表，完勝一眾年輕女生！
早前平子理沙post 出自己20年前嘅泳照，大家好好奇呢位美魔女嘅保養之道。平子理沙雖然擁有一副完美身材，不過平日冇太花心機喺美容上，亦唔會因為體重而感到困擾。佢認為心景快樂最重要，強調「身為女生，就是要把自己當公主般對待」，生活感覺輕鬆自在人自然就會靚。於保養方面，佢平時會多飲新鮮蔬果汁、茉莉花茶或紅茶嚟補充水分。
圖片來源：Instagram @ 撰文：Amber
