迪士尼係一個充滿夢想快樂嘅地方，佢會令身在其中嘅每一個賓客都有種賓至如歸嘅感覺，但係估唔到連售後服務都做得咁貼心。
早前有一位台灣嘅賓客喺東京迪士尼到買咗一支筆想要送比佢朋友，點知返到去台灣之後發現支筆有問題用唔到，原來係支筆入面冇咗條彈弓。
嚟位客人於是就嘗試打收劇上面個服務熱線返去同東京迪士尼嘅同事講返個損壞情況，嗰邊同事就即刻應承同佢處理，兼且喺唔使寄返損壞貨品同比郵費嘅情況下空運返一支新嘅筆比客人！兩個禮拜就收到啦！
其實客人只係套裝入面其中一支用唔到，但係迪士尼嗰邊就成套寄過哂比佢，真係唔話得！
唔單止係咁，嗰位客人收到包褢嗰陣仲發現佢哋送咗條迪士尼手巾仔同埋有封道歉信，真係好窩心呀！
下次有機會去東京迪士尼，大家記得感受吓佢哋親切友善嘅服務啦！
圖片來源：網上
撰者：Wendy
