夏天大家最注重嘅一定係「美白」。正所謂「一白遮三醜」，一唔小心曬黑咗，陽光中嘅紫外線會令皮膚細胞老化。不過只要平日飲食中多補充抗氧化食物，就可以讓細胞增加修復能力！
奇異果
奇異果體積雖小，但含有極高營養！因為奇異果所含嘅維他命C 同維他命E 唔單至能夠有效美白肌膚，而且具有抗氧化作用，滋潤皮膚，增強皮膚抗老化，令你愈食愈靚！
青瓜
青瓜水分含量相當高，不論「外敷」定「內服」都係美容好幫手。而且青瓜含有豐富維他命C，對美白具有強大功效，仲可以幫助身體產生膠原！
番茄
番茄含有豐富嘅抗氧化劑 — 茄紅素，番茄紅素被喻為世上最強的抗氧化劑之一，可以幫助抵抗UV 射線！
檸檬
相信好多人都知檸檬係水果界中嘅美容佳品！檸檬所含有嘅維他命C 同鈣質可以嫩白皮膚、去除色斑、使皮膚變得潤澤。
薏米
薏米中嘅蛋白質可以軟化角質，抗衰老減少皺紋產生，並可以消除色素斑點。而且薏米所含有嘅薏苡素能防止曬黑、並改善肌膚乾燥狀況。
紅蘿蔔
紅蘿蔔中嘅β-胡蘿蔔素同維他命A 具保濕及抗氧化能力，可以對抗紫外線對皮膚嘅傷害。
車厘子
車厘子當中嘅檸檬酸、維他命C和胡蘿蔔素等營養成份，可以抵抗黑色素形成。而且車厘子營養豐富，對氣血較虛嘅人可以起到補血補腎作用。
朱古力
原來食朱古力都可以變白，不過只建議55至70%以上嘅黑朱古力。朱古力中含有多種豐富嘅抗氧化物，如可可聚多酚（CMP）、類黃酮，適量攝取都會對皮膚有益，更可以抵抗抵陽光對肌膚嘅傷害。
圖片來源：Internet
撰文：Amber
