小編由細到大都好鐘意食腸粉，貪佢又平又好味，仲會每次都瘋狂落甜醬麻醬芝麻，肥就肥啲，但好食無計喇～港九新界咁多間腸粉舖，邊間係最正最回味無窮架呢？
1. 合益泰小食
合益泰啲腸粉真係無得彈！無論咩時間行過都一定會見到大排長龍！合益泰腸粉有分細、中、大，啱晒唔同胃口大細嘅人，叫碟腸粉加豆漿，真係人生一大享受啊！
地址：深水埗桂林街121號地下
價錢：$8（細），$12（中），$16（大）
2. 佳記甜品
一講佳記甜品大家就會諗起B仔涼粉，但其實佢啲腸粉都好正架～不過佳記甜品有個好大嘅問題，就係好好好好好多人，每次見到條人龍都好想放棄……
地址：元朗又新街置富中心7號舖
價錢：$9（4條）
處
3. 美味佳
美味佳嘅腸粉有啲唔同，佢係蛋炒腸粉，再加埋甜醬麻醬真係不得了～～由於加咗蛋，佢啲腸粉比其他舖頭貴，但都值回票價架！
地址：紅磡寶其利街2號地舖
價錢：$16
4. 坤記腸粉
坤記啲腸粉真係滑不溜口，「雪」一聲就吸咗入去～腸粉好味到連旅遊書都有介紹，好多遊客特登千里迢迢走入嚟食架～
地址：大圍積富街石屋(近積德里)
價錢：$8（3條），$11（6條）
5. 通達食店
通達腸粉蒸得啱啱好，超級煙韌彈牙！仲要喺正地鐵站隔離，地理位置一流啊！Btw佢啲腸粉係連醬料上，如果怕肥走醬記住落單時講啊～
地址：油麻地碧街48號地下
價錢：$14（4條）
6. 腸粉皇
終於到港島區嘅朋友喇！腸粉皇啲腸粉真係又滑又彈牙！不過溫馨提示，叫得腸粉皇腸粉就梗係好味喇，但其他小食就……如果啲錢多到洗唔晒可以試下嘅～
地址：灣仔灣仔道177-179號保和大廈地下D舖
價錢：$10
7. 四眼仔腸粉
腸粉要好食，除咗腸粉本身，醬都好重要架～呢間啲豉油係老闆自製，出面俾幾多錢都食唔到！而且四眼仔啲價錢真係五十年不變，今時今日仲賣緊$6，小編每次行過都好驚佢會做唔住。
地址：粉嶺和隆街40B號地下
價錢：$6（4條）
8. 明記腸粉
上水唔係得奶粉嘅！明記都算係家族生意，本來係爸爸做，而家傳咗俾個仔，上水人一定聽過明記腸粉呢個名！腸粉勁滑，仲可以自己落醬，諗起都流口水～
地址：上水新康街11號地下
價錢：$10（4條）
腸粉係香港傳統街頭小食，我地一定要好好保留呢個咁正嘅小食啊！
圖片來源：Openrice，網上
撰者：Kinnie
