自從睇完佢新嘅舞台劇《前度》，真係感慨佢由少女到依加成為一個成熟女仔嘅過程。
慢慢睇返法拉以前溏心風暴所演嘅角色，真係覺得果時嘅法拉好青春，好有少女味道。法拉亦都曾經講過覺得自己當時係最自然，背嘢又快，亦都最無負擔，佢覺得當時嘅佢比之後嘅佢係最適合做唐至欣呢個角色。
金
之後再喺2009年演《LAUGHING GOR 之變節》演蕭凱倫呢個角色，法拉曾經坦言自己當時拍呢部電影拍得好辛苦，都唔知自己做緊啲乜，好辛苦。尤其啲劇本可能即時有嘢改，稿又背唔切，自信心都無乜。當時又剛剛係佢拍戲第9年，所以喺呢個戲劇生涯嘅樽頸位度，唔知自己想點，而果段時間都成為佢人生低潮。
到咗2013年同出爐影帝林家棟拍嘅《奇幻夜》，係佢感覺最良好嘅一次演出。佢當時仲可以擔大旗做女主角，佢有分享過話當時嘅佢可以做好多資料搜集。準備充足自己個人自然精靈啲，投入啲啦！
到咗2014年法拉決定突破自己，完成佢嘅戲劇夢想，所以去咗紐約深造戲劇。有人話係治情傷，但小編認為當一個人發現自己有不足嘅地方而肯花錢花時間花心機去學習，就算係治情傷都唔係問題，因為佢至少無自暴自棄，而選擇繼續向前進。法拉話過自己鐘意有規律嘅生活！每一日呼吸新鮮空氣，亦都要過自己想要嘅生活，咁樣先可以喺邊度以係佢嘅舞台。
到上年法拉飛返香港大膽演出舞台劇《前度》，睇得出佢好用心亦都好努力咁樣將自己所學到嘅展現俾觀眾睇。佢自己都分享過話佢自己做咗好多有關佢表演嘅RESEARCH，將自己無嘅經歷，透過去一次真實場景，再靠影低啲相，令到自己可以得閒睇下，記憶返晒嚟！而每一晚嘅演出都有好多新嘅發現！
到咗依加，當小編見到佢拍新廣告嘅時候，覺得一個著得自然嘅陳法拉已經好性感。而佢內在美嘅提升都令到佢變得成熟優雅同埋淡然，女神呀(心心眼)！
| {youtube}6rQ_WG_JM_A{/youtube} |
圖片來源: Instagram@falachenfala, TVB.com
撰文: Gloria Leung
