大家都知道日本人妻嘅手藝真係屬於天堂級，小編成日都好想好似佢地啲老公咁，每日打開飯盒都見到老婆仔嘅心思，真係愛的表現嚟架嘛～
講到日本靚靚飯盒，小編真係不得不推介呢位靚靚人妻每日整嘅飯盒，靚係基本嘢啦，特別係特別在每一個都係有主題架！
例如呢一個係中華冷麵，所以佢整咗塊中國國旗落去，但係呢個都真係算小兒科！
呢個就係總有一間喺左近嘅７仔～模仿能力真係好強！
大家睇唔睇到，卑怯兩個字係喺蘋果皮度雕出嚟架～永澤同藤木同學幾栩栩如生！
賤熊呢款唔知點解，小編總係覺得佢似鬆弛熊～不過都係一樣咁可愛！
如果有去過大阪道頓堀，你一定認得呢啲八爪魚同埋呢個叔叔～
Calbee Jagabee 嘅主題，飯盒入面都真係有薯條架！
呢個係咪有點疑惑呢？其實呢個係日本好出名嘅茶葉品牌叫永谷園呀～
樂天熊仔餅我地由細到大都食得多，佢嘅飯盒你又見過未？
唔知係咪靚媽諗緊主題果陣咁岩喺廚房見到枝亨氏茄汁，所以就揀佢嚟做主題呢？
呢個納豆牌子可能大家喺超市都有見過，佢真係100%整返個logo同包裝出嚟呢下勁呀！
牛奶妹真係咁多年都咁得人鐘意～靚媽仲特登用唔同材料扮牛奶糖添啊～
小新嘅icon係咩？咪就係佢條大笨象囉～
野口同學crossover 麥記真係好搞笑！睇真啲其實每個飯盒都有肉有菜有飯有水果，營養都係一百分架！
妙妙貓都整到，真係可愛到令人唔想食啊！
遇到特別日子，個飯盒都會有唔同架，例如老公生日，佢就會用老公鐘意嘅Snoopy做主題！
睇嚟佢同老公都好鐘意龍珠呢套卡通，所以佢唔少作品都係用龍珠做主題！呢個係其中一款～
GLICO! 小編真係有啲懷疑佢係咪住喺大阪，所以成日都有大阪嘅景點做主題～
小編表示Mario咁多角色入面，最愛就係Yoshi！
究竟佢係用咩嚟整LEGO架！？實在太強大喇！
結婚一周年呢個真係sweet到隔住個芒都feel到好冧啊！
大家睇下，所有靚靚飯盒都係出自呢個靚媽之手！
只能說...老公同囡囡真係好幸福又好有口福啊！這些機會... :(
圖片來源: yuko.makotsu @ Instagram
撰文: Msrachel
