平時返工返學已經好攰，放假想唔做運動都減到肥？唔洗食藥嘅！食啲特定減肥食物配搭就得啦～
1.蔬菜+水煮蛋
雞蛋可以幫助吸收類胡蘿蔔素，唔單只有助於控制體重，仲可以保護視力同滋養肌膚。蔬菜同蛋雙劍合璧，一定可以大殺脂肪！
2.蜜瓜+紅提子
瓜類係天然嘅利尿劑，有助於去水腫、維持循環系統，而紅提子嘅花青素含量高，可以減少體脂肪形成～下次想食生果嘅時候不妨買呢兩種呀～
3.薯仔+胡椒
薯仔可以去水腫同幫助新陳代謝，而胡椒入面嘅胡椒鹼可以減少脂肪細胞形成。焗薯上面加少少胡椒就可以輕輕鬆鬆又一餐啦～
4.咖啡+肉桂
肉桂近乎零熱量，既可以降低飢餓感，又有助減少腹部贅肉；而咖啡就可以提高新陳代謝同降低膽固醇。每朝飲杯齋啡加肉桂，就好快可以同你個肚腩講拜拜！
5.雞肉+辣椒
減肥都可以食肉嘅～雞肉有豐富蛋白質，仲可以令你飽啲，下餐食少啲；而辣椒素有抑制食慾嘅效果，加快脂肪燃燒～煮返個辣椒炒雞就可以一次過滿足你所有願望啦～
減肥係要付出代價嘅，平時食多啲以上配搭，油、糖、碳水化合物呢啲就可免則免啦～
圖片來源 : 網上
撰者 : Kinnie
