人類總係唔滿足於自己嘅生活，羨慕其他人活得比自己好。你有冇諗過其實自己都好幸福？有外國網站列出20件事，如果你而家己經做到一半或以上，你已經好幸福架啦！
1. 靠自己應付生活開支
每個月能夠靠自己找所有卡數，可以應付自己嘅生活資出，甚至有閒錢買嘢、「食好西」獎勵下自己。
2. 懂得反思
對生活感到疑惑、能夠清醒地質疑自己嘅決定、會諗點樣先可以令自己過得更好？放心，咁代表你依然成長緊，懂得反思及檢討自己係好事，會令你進步得更快！
3. 有份工
無論工作有幾辛苦、自己有冇興趣、前途如何都好，你有一份工作都算係成功嘅第一步，至少可以代表你已經獨立成長，可以為自己嘅言行付責任，最重要嘅係唔需要家人朋友再替自己操心。
4. 唔洗擔心下一餐
有能力養活自己，不愁三餐，得閒可以同朋友聚埋一齊食嘢吹水，其實已經好幸福架啦！
5. 有時間做自己想做嘅事
空閒時可以做自己想做嘅事其實已經夠奢侈、夠幸福架啦。
6. 想食就食
唔洗顧意太多，鍾意咪食囉！
7. 擁有私人空間
喺香港呢個地少人多嘅地方，擁有一個屬於自己嘅私人空間絕對唔係一件易事。如果你一個空間唔會有任何人打擾，可以畀你靜下，恭喜你！
8. 生活方便簡單
香港食嘢交通咁方便其實已經煩少好多嘢架啦！
9. 自己比上一年進步咗
喺呢一年間，你不停學習、反思、令自己進步。今日嘅你同過往嘅你已經唔同，面對相同嘅問題你可以更成熟，更周全咁去解決。
10. 有時間及能力讓自己過得更好
係生活而非生存，有空閒時間睇書煲劇，放假可以真係休息去行下山，唔需要每時每刻都為生活而煩惱。
11. 想著咩衫就著咩
可以著到自己鍾意服飾個人心情都好啲，行到出街都有自信啲架！
12. 知道自己想要啲咩 / 做緊咩
我究竟每一日返工為咗咩？我究竟想要啲咩？我嘅目標理想係咩？聽落似簡單但其實好多人答唔到。
13. 感謝過去嘅自己
可以好驕傲咁面對過去，因為過去嘅經歷孕育出現更好嘅自己。
14. 有一至兩個閏蜜
有時朋友唔需要多嘅，有一兩個知心好友陪你笑陪你喊，分享心事就已經好足夠。
15. 試過失戀、同朋友絕交
呢啲經歷可以令人成長、更了解自己想要咩，更加珍惜自己所擁有嘅一切。
16. 懂得照顧自己
知道自己要幾點訓、三餐正常吃、飲酒時適可而至，打理得自己好好，唔洗人擔心。
17. 朝目標前進
喺今時今日嘅社會中，如果你仲擁有夢想係一件想當難得嘅事。無論有幾辛苦你都堅持為夢想而努力，就算成功與否，過程中你都會有好多得著。
18. 有原則
當然唔係指個人固執咩都唔退讓啦！不過如果你可以喺大是大非、或者有關於個人嘅信念上都相信自己，決心唔妥協咁就相當值得人尊重啦。
19. 擁有興趣
係生活而非生存，只要時間及經濟許可，你可以去做令自己開心嘅事。
20. 失敗過
邊個冇經歷過挫折丫，最重要係我哋可以從失敗中好好反省，企返起身，咁下次應付逆境都更加遊刃有餘啦！
圖片來源: Internet
撰文: Amber
