有時拍拍下拖真係會唔知自己同對方有無將來，趁呢個時間睇下對方係咪你既Mr./Mrs. Right啦！
1. 一段關係需要火花，同佢一齊咗半年，你覺唔覺得呢個人外表上都吸引到你？
講真，一段關係連外表嘅吸引都完全無，你都仲同佢一齊，證明幾樣野。一係就係佢性格或Talent吸引你，令到你每日都可以憑空幻想佢就係你嘅公主或者王子。或者，佢有父幹，令你將來入到豪門，所以覺得外表嘅吸引都係浮雲。
正所謂「情人眼裡出西施」，一個人就算喺其他人眼中唔係靚仔靚女，但喺情人眼中一定係可愛。如果連外表佢都唔能夠少少吸引你，咁其實你都唔係真係好鐘意佢。
2. 你同佢分享感覺同思想，你覺唔覺得安全先？
如果你覺得同佢講你嘅諗法，你會怕唔知佢點睇你，或者講完之後你覺得佢會周圍唱你既故仔。如果呢個感覺維持咗一段時間，而經過溝通後情況都係無改善。咁呢個人未必咁適合你，因為喺你心目中，呢個人俾唔夠安全感你，你對佢其實都唔係100%信任。
3. 你欣唔欣賞佢？ 定你覺得佢其實乜都唔掂？
呢個真。你欣唔欣賞佢，其實同你地兩個既價值觀好有關係。所謂欣賞唔係講緊佢做過啲咩偉大事跡。而係例如，佢對人既態度係咪你欣賞既。定係其實佢天生自私，除咗佢自己之外，佢心中根本完全唔放其他人在眼內。
4. 你地有無共同目標先？
2個字，SOUL MATE，完。
其實好難搵到一個完全同自己配合既人，但例如兩個之中其中一個只鐘意玩，另外一個專注事業發展。初頭大家可能都會因為對方同自己既不同而感到佢好鬼吸引，但長遠黎講，你地會愈拍愈lost。
5. 你地會唔會開始學點處理爭執，而唔係只諗邊個嬴定輸？
大家成熟少少啦唔該。
如果你有任何感情煩惱 / topic 想我講下，歡迎share俾小編聽。睇下可唔可以幫到你。
圖片來源: 網上
撰文: Gloria Leung
