男人通常比人定形咗為一定係粗魯又大意，但係呢位藝術家就唔係咁樣喇～雖然佢都係一個雄赳赳男兒，但係佢嘅手工好到可以整到個像真度極高嘅迷你都市！
今次佢整咗一個迷你嘅廟街角落出黎～離遠睇已經不得了，但係近睇直頭係驚天地泣鬼神呀！
一近睇入面啲細節位完全係無得輸！單位入面嘅燈識著係基本～但係入面係有埋室內設計，例如迷你海報～
仲有埋地板、茶几，小茶杯～
佢就連冷氣機嘅散熱機都做到十足十！
外牆又點可以無呢啲歲月嘅痕跡呢？
除咗以上棟舊樓同小街角，佢仲有整舊樓天台！
就連天台上面嘅擺設都係一絲不苟！
小編實在好好奇，究竟點樣可以做得咁細緻？
其實呢位藝術家來自澳洲叫Joshua Smith，佢已經做咗呢樣嘢十六年架喇～
佢之所以咁鐘意做微型都市，係因為想令到人會以為呢啲係真正嘅都市。
如果佢打埋燈，調較好角度要誤導人其實真係一啲都唔難！
像真度極高嘅微型都市，佢都係用卡紙、纖維板同油漆整成～
細緻程度係連街邊嘅一袋袋垃圾都唔會放過。
仲有迷你垃圾桶同紙皮盒。
當放上手，大家就知道佢有幾細粒，係大風啲都會吹走果種！
Joshua而家都會帶住呢啲模型去唔同地方做展覽，遲下會喺紐約，唔知幾時會再黎香港呢？
小編都好想有機會可以親眼睇下呢啲微型都市啊！
圖片來源: Joshua Smith, Miniature Sculpture & Stencil Artist @Facebook
撰文: Msrachel
