話說最近有網媒率先報導指張繼聰同謝安琪嘅千金會喺3月20號出世，仲講埋會喺邊間醫院，結果就搞到今日果間醫院有大量娛記朋友聚集啊！
為咗唔想一班娛記朋友食白果，爸爸張繼聰就喺社交平台出POST澄清阿囡根本未出世，仲話自己都被篇報導搞到個心離一離，但實情係老婆仲喺屋企好優雅咁行黎行去呀。
此post一出，主角之一嘅謝安琪都要比個like老公呀～
雖然張家千金真係未出世，但係都有唔少網民留言提佢地注意事項，例如係小心塞車，最好預幾條路線去醫院～
仲有網民話阿Kay個肚好大，懷疑呢胎可能唔止一個BB，但仍然有人以為千金已經出世...
但更多嘅係恭喜佢地再次榮升父母～
Ｂ女的確係未出世，不過除咗一班網民好期待之外，佢地嘅朋友都超錫佢，不斷送BB用品去張府～
雖然小編都好想快啲見到小B女，不過呢啲嘢邊有得急架？總之最緊要係順其自然，順順利利，大小平安！
圖片來源: 張繼聰 Facebook、謝安琪Instagram
撰文: Msrachel
