作為攝影師，好多都鐘意去旅行影唔同地方嘅絕景靚相，呢對情侶都唔例外，大家都係攝影師，
都係旅行發燒友，所以佢地嘅求婚都係喺旅程入面發生，真係睇相都覺得正啊！
呢對情侶雖然去過好多唔同地方，但兩個同樣最愛去北極，已經去過三十次喇！男主角Dale喺五年前，
就已經計畫要喺北極向女友Karlie求婚。
點解要喺北極求婚咁特別呢？Dale就話係因為好似未見過有人做過，佢又想做啲人地未做過嘅嘢～
而其實呢次已經係佢第二次向Karlie求婚，上次失敗係因為佢執行李時收埋咗隻價值澳幣四千蚊嘅戒指喺個樽度。
點知女朋友隨手就扔咗落垃圾筒，直到一個星期後去到冰島佢先發現隻戒指已經消失咗。
佢又儲夠錢買過隻新戒指之後，就開始咗佢地兩個月嘅北極公幹之旅，途經冰島，挪威同埋芬蘭，今次佢終於成功喇。
佢首先呃Karlie佢要set 機自拍，北極光出現嘅剎那，佢單膝跪低問咗拍拖七年以黎佢最想問Karlie嘅問題。
「妳願意嫁給我嗎？」答案當然就係「我願意」啦！
佢形容當日嘅果下北極光係佢見過之中最靚嘅一次，就係呢張相，令人隔住個芒都感覺到果份感動啊！
小編又忍唔住幻想緊未來Mr. Right向自己求婚嘅情景喇哈哈~~~~
圖片來源: Boredpanda
撰文: Msrachel
