踏入二月，巴打們就知道係使錢買禮物俾女朋友嘅日子又黎喇!!! 情人節兩手空空，女朋友難免口黑面黑。零心思嘅你懶得諗? 咁就要睇下小編精心挑選嘅Sweet爆情人節禮物喇!
# Lush "Lots of Love" 戀愛進行曲禮盒 (HKD 600)
立下眼係咪好似朱古力禮盒呢?唔好放入肚啊! Lush呢款情人節禮盒包羅萬有，等你同另一半可以好好享受香氛泡泡浴! 三款唔同嘅汽泡彈制造又浪漫又Colourful嘅泡泡浴，再加上玫瑰花迷人香氣瀰漫浴室，正!另外仲有按摩芭同香氛皂，等你同另一半嘅情人節甜甜蜜蜜又香噴噴~
◆ 各大Lush專門店有售 / https://hk.lush.com/
# Les Merveilleuses LADURÉE 限定心型花瓣胭脂 (HKD 700/ 胭脂盒HKD 300)
如果女朋友鍾情於少女/日系/夢幻風，LADURÉE嘅產品都一定啱晒佢! LADURÉE嘅花瓣胭脂不嬲都係女生們嘅夢幻胭脂，而LADURÉE啱啱亦出咗限定心型花瓣胭脂，內裡有一片象徵著獨一無二嘅心型花瓣，超靚包裝仲唔冧死女朋友?
而且Les Merveilleuses LADURÉE仲有Promotion, 2月10至14日買呢款心型花瓣胭脂，仲送輕軟毛毯一張，等你同女朋友過一個暖笠笠情人節! (詳情請看Les Merveilleuses LADURÉE Facebook專頁)
◆Les Merveilleuses LADURÉE彩妝專櫃有售 - 崇光銅鑼灣店B1 / 崇光尖沙咀店 LG / 尖沙咀海港城海運大廈Facesss
# CHLOÉ Signature Eau De Toilette Set 淡香水及乳液套裝 (HKD 915)
如果女朋友唔化妝，香水套裝或者係另一個情人節禮物選擇! 怕中伏揀咗隻臭到暈嘅香水，小編提議一直以來廣受好評嘅CHLOÉ! 套裝入面有一支75ML同5ML嘅香水，細Size方便攜帶，而香水基調為粉牡丹、小蒼蘭、木蘭花等，氣味清新宜人，仲有支Body Lotion，等你女朋友全身散發住迷人幽香!
◆ CHLOÉ專門店及 Lane Crawford有售
# Beauty and the Beast Enchanted Rose Speaker 美女與野獸保鮮玫瑰花藍牙喇叭 (HKD 1488)
《美女與野獸》就來上映，迪士尼粉絲又點可以錯過呢款又靚又實用嘅藍牙喇叭? 喇叭公司Camino今次推出嘅喇叭，既保留《美女與野獸》電影中嘅魔法玫瑰花造型，亦創新地加入藍色LED燈，支援藍芽4.0無線接駁，好睇又實用，絕對唔係得個擺字! 呢款保鮮玫瑰花藍牙喇叭仲代表你對女朋友嘅愛意，仲唔冧死女?
◆ unwire.hk有售 (免費送貨)
# 港產皮革：皮革玫瑰花D.I.Y材料包 (HKD 248 / HKD 298連花架套裝)
上面介紹嘅雖然係保鮮花，畢竟過咗3年保鮮期會變。想送一朵不變嘅玫瑰花俾女朋友以代表你不變嘅心，不妨考慮下呢朵永不凋謝嘅皮革玫瑰花! 套裝已經有齊已剪裁好嘅皮革、配件、打孔工具、花盒等材料，只要你有槌仔同鉗就可以輕鬆打造獨一無二嘅玫瑰花!
◆ Leatherism太子工作坊/LOG-ON/city'super以下分店有售(海港城/又一城/時代廣場/名店坊/太古城/朗豪坊/國際廣場i-SQUARE/新城市廣場/新都會廣場/APM/屯門市廣場)
如果怕手殘搞唔掂，仲要Video教學逐步教你整!
| {youtube}vKUpQ1gdrTQ{/youtube} |
小編希望巴打們嘅女朋友收到你哋精心準備嘅情人節禮物會甜到爆，不過最緊要都係陪女朋友過一個浪漫嘅情人節♥♥♥
圖片來源：網上
撰文：Sofia Lok
