呢位外國媽媽叫Cara Brookins，有四個分別2歲、11歲、15歲及17歲嘅仔女。經歷過兩段暴力婚姻，一個女人帶住四個小朋友已經好唔容易，仲要曾經被有精神病嘅男人跟蹤，日子都咪話唔難過！
佢唔想佢嘅小朋友會因為呢啲問題而覺得羞恥同無晒自信心，佢覺得佢地一家都需要一個新開始，但係佢一個女人又負擔唔起買一間新屋嘅費用，於是毫無起樓經驗同知識嘅佢，決定「搏一搏」，自己的樓自己起！
當年係2007年，Cara發現一座樓被龍捲風破壞到得返啲基本結構，佢就同小朋友講：「吖，如果我地自己去買啲磚之類嘅建材，再將佢地砌埋一齊又得唔得呢？」
就係咁，佢地一家五口就完全陷入呢個起樓嘅瘋狂計劃！
於是Cara同銀行借錢買材料，靠睇Youtube嘅起樓教學，再同班仔女發揮團結就是力量嘅精神，佢地學識點樣建基，點樣真真正正咁起樓！
睇佢起樓起得幾開心！
媽媽起樓，最細個仔就緊係訓下覺先啦。
大仔係力量嘅代表！
唔好以為細個就咩都幫唔到手呀！
所有野都係由零開始。
屋企每一吋，甚至每一條柱都係得來不易
上至天花下至地板都係自己搞掂。
最後佢地起咗屬於自己嘅家，呢個家足足有3500平方呎，入面有五間睡房，大家一人一間唔使爭。
入面有個好大嘅藏書閣！
直到而家佢地一家已經住咗八年，佢地已經可以好自豪咁話，佢地個家庭比以前更強大，而且幾個仔女已經變得無懼，無野可以再難到佢地喇！
另外仲起咗一個可以泊三架車嘅車庫，一座有兩層嘅樹屋等等，組成屬於佢地嘅‘Inkwell Manor’
小編表示只要有決心，呢個世界真係無野係無可能，搏一搏原來單車真係可以變摩托！
圖片來源: Boredpanda
撰文: Msrachel
