有時候唔係因為自己本身Mean先會覺得人地做嘅野好討厭，而係佢地嘅行為事實上真係好！討！厭！小編睇完外國插畫家Natalya Roshchenko畫嘅插畫，真係忍唔住要同大家分享呀！一齊睇下你有無遇過身邊有人做以下嘅討厭行為啦！
#1 搭車搭船搭飛機都最怕遇到嘅情況! 小編試過之前搭凌晨機去旅行，大家都知搭廉航啲機位已經前後左右都係好窄，但前面果位乘客仲要瞓身咁向後挨，結果腳仔短短嘅小編都頂住對腳，成程機都無得瞓。
#2 上班族嘅各位，如果做做下野有人企正喺你後面望實你都咪話唔驚！果個係同事嘅話都還好，你話如果係上司或者係老闆嘅話真係個心離一離架！點知你望住人地做咩喎係咪先？
#3 當你只係想靜靜地咁睇套戲輕鬆下，點知附近坐著個嗶呢巴啦係咁解釋套戲啲人做緊咩，情節又點點點嘅人真係好崩潰...
#4 排緊隊嘅時候，唔知點解後面硬係會有人越企越貼你背脊，行前啲佢又跟你行前啲，好似隔遠啲會比人打尖咁...其實唔止排隊係咁，搭地鐵或者搭電梯有時都會係咁...小編表示其實好怕同唔識嘅人咁近距離...
#5 當你好認真咁同人講野嘅時候，對方每隔幾秒又問「咩話？」「你講緊咩？」之類問題，你真係會喺心入面不停爆粗，心諗你究竟有無認真聽我講野！唔聽不如唔好嘥我口水啦！
#6 有啲人唔知係咪為咗表現自己嘅存在感，硬係要大大聲咁閂門，好似慌死你唔知佢黎咗咁...不過咁，最討厭人做呢啲行為嘅一定唔係我地，而係道門呀！
#7 唔知點解有啲人總係自覺自己好聰明又看透世事咁，成日會同你講「我都話咗你架啦」、「我一早知係咁架啦」，呢啲人真係好＿＿。（請自行隨便填充）
#8 現代社會討厭行為黎講呢，低頭族應該一定係其中之一！朋友呀你可唔可以放低個電話望下我同我講下野呀？
#9 當你發生咗一啲樣衰到爆嘅事，身邊果個人只係掛住指住你黎笑，又唔幫你解決或者安慰下你。你果下應該除咗想打佢同好憎佢之外應該無其他感覺！小編就最憎呢類人喇！因為小編成日都有啲好樣衰嘅事發生喺自己身上，例如一落車就中雀屎...
睇完以上嘅插圖，各位有無諗起你身邊會唔會有呢啲咁討厭嘅人呢？有就快啲分享比佢睇啦！
圖片來源: Bright Side
撰文: Msrachel
睇多啲:
【問呢啲】小心做左「犯眾憎」 娜姐旦哥提你「要講Please」
