Lisa Farrall係國際級著名髮型師，佢嘅設計經常都贏到世界性髮型設計大賽嘅獎項，今次呢個「Armour」系列一樣唔例外，掃走咗足足四個國際獎項！我地一齊欣賞下啦！
嘩!啲頭髮好似已經同件衫啲流蘇幾乎二合為一咗咁，唔睇真啲真係會以為model個身唔知去咗邊呀
呢個有啲似以前筷子姊妹花頭上果座塔，唔知會唔會好重嘅呢？
呢個驟眼睇會覺得好似某運動服裝品牌個logo，但其實要set呢個頭應該好花心機!
呢個小編一睇嘅時候係覺得好似有好多枝化妝掃喺個頭度咁，但又好有卡通嘅感覺，好特別呀！
呢個係咁多個髮型入面最白嘅，喺白色頭髮上面加咗啲粉藍同粉紅highlight落去，好有Pony Unicorn嘅色調感覺~
呢個髮型上半部係織出黎，睇落就好似戴咗頂冷帽咁，不過係用真髮織，咁就唔會甩啦！
呢個髮型小編真係諗咗好耐，究竟點整先可以整得咁工整得黎又有立體感？
呢個髮型師其實係咪細細個練剪草架...真係好整齊又好靚，仲顯得model條腰好幼! 不過呢個髮型出街可能會撞到唔少人。
呢個髮型有傳統非洲人嘅編髮，但上半部分又加入咗設計元素，好有傳統同創新結合嘅感覺。
呢個髮型好似大家細個都一定有剪過嘅冬菇頭，係就係幾可愛，但真係幾難打理，因為一長就要修返齊。
呢一款我相信最令人嘆為觀止嘅應該係果個弧度同形狀，真係睇到都覺得好佩服點樣可以剪成咁！
其實小編個人認為呢個髮型好似一條條羽毛或者係毛冷，但其實都係編髮黎架！
呢個都係編髮，不過直頭編咗個簾出黎，仲係有Pattern架!
呢個系列已經受到國際間嘅注目，唔知會唔會有好多人都想剪返個呢？
圖片來源: Lisa Farrall
撰文: Msrachel
睇多啲:
