小編相信Mr. Gear 應該係一個科學家，因為佢擁有嘅係超高嘅實驗精神！今次將個鐵球燒熱到一千度，然後放喺唔同食物或者物品度，每個效果都唔同，有啲睇住佢熔嘅感覺仲幾治癒架。
片段一開始第一樣實驗物品係一舊番梘，下面必須要有一個裝咗水嘅樽，以防鐵珠亂走。
鐵珠放上去之後，好快就冒出大量白泡。
最後番梘中間熔咗一個黑色嘅窿，鐵珠就跌落水入面滾埋樽水。
下一個實驗品係一個新鮮西柚。
但係無論係果肉定係果皮，鐵珠都無令佢穿窿喎，唔知係咪有咩化學作用所以唔穿呢？
後來仲有幾排朱古力，實驗方式同番梘差唔多。
放上去之後鐵珠範圍開始起火，朱古力中間就不停咁出白煙。
朱古力自然地變成chocolate fondue，最搞笑係唔少網民話睇到呢度都好想食咗啲朱古力。
終於到重頭戲出場，就係可樂一枝喇！
鐵珠放上去之後，唔駛幾耐可樂蓋已經熱到著晒火喇，入面啲可樂亦都開始起白霧。
最後個可樂蓋已經完全消失，可樂亦都噴晒出黎。
原片在此
| {youtube}xRGKUnI-3-s{/youtube} |
呢位Mr. Gear 個Youtube Channel 都有唔少呢啲實驗片睇，仲有教你DIY添架！
圖片來源: Mr. Gear @Youtube
撰文: Msrachel
延伸閱讀
