「如果想開心 為什麼需要等?」呢句說話，用來形容「地鐵無褲日」發起人Jesse Good就最好不過。2002年開始，美國一個民間組織Improv Everywhere (嗱嗱嗱無串錯字，真係少個”e”架!) 發起「地鐵無褲日」(No Pants Subway Ride)。
由當初寂寂無名嘅7個人，發展至2017年第16屆「地鐵無褲日」，世界各地已經有超過60個城市嘅人民參與!
「地鐵無褲日」嘅目的，係希望參加者可以拋開舊有包袱，喺呢一日無需要顧及其他人嘅眼光，盡情咁釋放自己! 而且，地鐵上嘅人亦唔再只係注視手機螢幕，因為今日各式各樣嘅「美腿」、「美臀」可以盡情解放，帶俾咁多位另類樂趣!
只要你OK，就可以著上你最靚靚嘅底褲仔行出去，喺地鐵俾所以乘客欣賞你嘅底底、靚腳同靚臀!
闊腳孖煙通、貼身彩色褲仔，都可以係「國際地鐵無褲日」show出來~ So hot, so sexy!
自信地著住底底行出來，就係呢個活動本身嘅意義! 勇敢地打破成見，喺呢一日追求自由嘅解放，仲可以同其他人一齊分享「著底底 搭地鐵」嘅有趣經歷!
遊戲規則好簡單：
1 - 唔準著褲
2 - 其他部分要同平時衣著一樣
3 - Poker Face :)
其實天氣都幾凍架，所以個個都係大褸加冷帽，但係不變嘅係下身只有一條底底~
Show me your pant! Show me your legs! Let's enjoy this day~
圖片來源：Instagram
撰文：陽光小毒毒
【問呢啲】小心做左「犯眾憎」 娜姐旦哥提你「要講Please」
