聖誕假就到，唔少人會去旅行輕鬆下，但擔心屋企個盆栽無人照顧會枯萎（冇理由一次過餵飽㗎！？）小編物色到呢款Parrot Pot智能盆栽，可以自動幫植物灑水、調節溫度、提醒我地幫植物施肥同衡量植物吸收陽光嘅程度。30日唔喺植物身邊，佢地一樣可以茁壯成長！
等小編詳細介紹下Parrot Pot 6大特色：
#1 省電藍芽無線系統 連接手機App
用戶可以download手機App，透過無線藍芽系統連接智能花盆，一機在手，去到幾遠，都可以遙距控制盆栽成長情況。
#2 8000種植物栽種經驗資料庫
App內含8000種植物栽種資料，力求無論用戶種咩植物，都可以喺資料庫搵到配對。配對完成，App會因應該種植物的特性，自動調節相符嘅生態規律，幫助無栽種經驗嘅用家上手。
Parrot Pot內藏4個感應器，分別係［土壤濕度］、［肥料濃度］、［環境溫度］、同［光照強度］。
#3 自動澆水系統
智能花盆有3層，一層放土、一層儲水、一層隔絕土同水。花盆會檢測土壤濕度透過App提醒用家澆水，用家可以透過手機灌溉。
如果儲水量不足，盆栽會著綠色燈提醒用家加水▼
#4 檢測肥料濃度
智能花盆會因應植物種類需要吸收的肥料濃度，檢測現時肥料份量是否合宜，會透過App告訴用家。
#5 感應環境溫度
智能盆栽會感應室內/室外溫度，提醒用家溫度適唔適合呢個種類嘅盆栽生長。
#6 檢測光照強度
如果陽光唔充足，App會提醒用家講植物搬至有陽光嘅地方；如果陽光太猛，會提醒用家將植物搬到陰涼處。
如果用家要出外，只要喺App設定Plant Sitter Mode，花盆會自動澆水30日，用家唔洗再托人睇住屋企d植物喇！宜家購買一個Parrot Pot（$99.99 USD）智慧花盆，供應商會栽種一個樹表示支持綠化！有興趣可以到Parrot Pot官網睇睇！
圖片/ Parrot Pot官網
撰文/ 鋼牙真漢子
