「少林功夫醒，好好野，少林功夫勁， 係好勁」，由細到大都聽過少林功夫有幾耍家，睇得多少林足球既就更加係隨口就講得出啲招式名，例如係鐵頭功、金剛腿、輕功水上飄等等，甚至我地知道少林有十八銅人，同埋方丈份人係好小氣添。但呢啲都係佢地訓練既成果，佢地練功背後既辛酸過程恐怕唔係人人都知喇！有位攝影師就去左少林寺拜訪，仲用相機記錄佢地點練功添。
金雞獨立應該係基本野～
一枝竹仔會易折彎，所以要踩住兩枝竹紥馬，順便練埋平衡力！
好似逢係武打片都會見到既水花四濺畫面。
只要一枝竿，就可以輕鬆倒吊。
打水呢樣野好似曾經聽講過係用黎練點用陰力（好似係）。
只能說，中間那位實在太好腰力了吧？
不論係平地定溪邊石仔，都係佢地練功既場地。
徒手劈磚，現場睇應該會好似睇「心口碎大石」一樣咁震撼！
小編表示，呢位師兄手臂形成一條直線咁舉起兩桶水，果條肌肉既曲線真係好值得欣賞。
究竟呢個程度既平衡力同埋筋骨既柔軟度要練幾多年先會做到？
就算係懸崖邊，都可以毫不畏懼，靜心修煉。
少林咁多位師兄話你知倒立唔係用手，係用頭就得喇。
睇完以上既相，小編真係好佩服各位師兄，各位讚嘆佢地既功夫之餘，都要記得欣賞佢地練功既毅力呀！
圖片來源: orzzzz.com
撰文: Msrachel
