初為人父人母，對住屋企隻活力十足嘅B仔B女，由食嘢、沖涼、著衫到玩遊戲，少D心力都應付唔嚟！最近小編發現呢10招醒目湊B法，簡直事半功倍！
#1 幫阿B洗頭會洗到成塊面都係，D水入咗BB眼耳口鼻佢地就開始吵㗎喇！所以買返個罩防止水滴落塊面度真係明智！
#2 想令BB自己hold住奶樽，可以試下買返個有圓圈空隙嘅套，BB拎起上來易好多，咁咪唔洗下下幫佢hold住奶樽囉！
#3 想輕鬆教識BB點分左右腳嘅鞋仔，可以用貼紙幫佢識別，好過下下著鞋都重複教一次。
#4 唔想BB開雪櫃自己搵糖食，最好嘅方法係將糖擺係蔬菜嘅package入面，咁可以「掩人耳目」，避免BB發現～
#5 可以喺屋企個時鐘用顏色標明做功課、食飯、玩嘅時間，訓練小朋友自律性同守時嘅概念！
#6 出面飲完咖啡，杯蓋可以比小朋友用來托住雪條，咁咪唔會滴到周圍都係囉！
#7 同樣道理，將Kinder出奇蛋入面個玩具包裝再改造，就可以比小朋友收埋食唔曬嘅波仔糖，好實用㗎！
#8 「小惡魔」唔鍾意刷牙，將牙膏改裝為公仔頭，咁趣緻一定吸引到小朋友去刷牙喇！
#9 B仔B女好鍾意亂咁畫畫，唔一定要買塊白板比佢地嘅～買卷紙DIY一塊Board比佢地無限發揮小宇宙，唔洗畫完又擦幾方便！
#10 據小編觀察，B仔B女好鍾意㩒遙控，如果Daddy鍾意打機咁就「大獲」了。Daddy不妨買D無感應嘅遙控，B仔可能會以為自己真係打緊機，咁咪無人騷擾你囉！
鮮嫩爹娘快手學起呢10招，搵窿搵罅比自己抖下嘛！
圖片/ Boredpanda
撰文/ 李父親
