花旗國就嚟舉行總統大選，經過前後兩回辯論，兩位候選人打得火熱，真係全球關注，更何況話晒同美國係friend底嘅日本，點都要贈下慶嘅！東京就有漢堡包店趁機推出2款漢堡包：『罌粟籽漢堡女士』同『黑色漢堡先生』分別代表希拉里同特朗普，俾食客投票。之不過啲食客就話諗唔到啲包同佢兩個有咩關係嘞，gimmick嘅野，我地真係識條鐵啦！淨係知道，只要買其中一款漢堡，就可以投票。輸左嘅一款，就無得留低；獲勝嘅就會喺未來一年繼續有售。另外，如果漢堡先生勝出，就會抽出一位投票人獲免費食足一年。若漢堡女士勝出，就會抽出365位投票人，每人獲一個免費漢堡。
▲ 漢堡扒、香腸、黃芥末和酸瓜的『罌粟籽漢堡女士』代表希拉里。
▲ 煙燻牛肉配漢堡扒的『黑色漢堡先生』代表特朗普。
▲ 只要買其中一款漢堡，就可以投票。
▲ 就係呢間日本連鎖餐廳「J.S. BURGERS CAFE」喇！
圖片來源：http://burgers.journal-standard.jp
撰文：食家牟尼
