鐘意睇書既朋友可能都會成日發夢，如果可以訓入書櫃不停睇書就好喇。而家機會黎喇！京都有間旅館岩晒你地呀，除左有好多書比你任睇之外，仲比你成個人訓入個書櫃，體會被書滿滿包圍的感覺，絕對係讀書人天堂～
書架上有二十個床位，想要多啲私人空間既就可以選擇客房。房入面一樣有床頭燈、拉簾及專用插座等基本設備～最重要係全店都有免費wifi架～
旅館暫時收藏左二千五百幾本圖書，英文書，日本旅行指南及日文書比你任睇。佢地仲計畫未來藏書會擴充到五千本，絕對滿足到各位書蟲呀。
呢間主題旅館雖然無高床軟枕，仲要同其他旅客共用洗手間同浴室，但勝在有特色得黎，價錢仲好實惠！平均五千日圓內已經有交易，亦即係港幣約三百五十元就可以訓一晚喇～
但係要注意既係佢唔收現金架，另外如果預約左之後，入住前一星期內要取消的話係要比取消金。而一行十人以上又想去住的話，就要親自send email聯絡旅館做直接預約。想去體驗下既朋友記得要留意返喇，佢喺東京都有架。
圖片來源: Book & Bed Kyoto
撰文: 電波廢玉清
