世界首個「出前一丁」工作坊喺今個月既三十號就殺到黎香港機場，仲係長駐唔會走，同場仲有同大阪杯麵博物館一模一樣的「我的合味道工作坊」，一次過整完出前一丁，仲可以整埋合味道杯麵呀！
地點係就係遠啲，設喺香港國際機場既童夢城入面，但地方夠晒大架，佔地差不多有成六千呎，一入門口就有一大幅類似大阪都有既杯麵牆，亦即係由四百幾個杯麵砌成既影相位，記得早啲去到霸個靚位影相呀。
有喺大阪整過杯麵既朋友就知道流程會係點，而香港站既流程同喺大阪係一模一樣的，都係要先攞杯，再落單選擇想要既湯底同配料，再自己設計下杯身，然後放入充氣袋，泵好氣就大功告成架喇！
整出前一丁既步驟會多少少，需要自己搓麵團、壓麵、切麵及摺麵，趁蒸麵及炸麵的空檔，大家就可以喺包裝袋度寫返自己名同日期再畫下公仔，麵炸好之後就攞去封口就搞掂喇！
「出前一丁」工作坊的開放時間係星期一至日（星期三除外）的上午十一點至下午六點，每日分三節每節約九十分鐘。
「我的合味道工作坊」開放時間：星期一至五（星期三除外）的上午十一點至下午六點半；星期六、日及公眾假期上午十點至下午六點半，每節約三十分鐘。
小編建議有興趣既朋友可以上網預約定，仲有親子套票架！
地址：香港國際機場二號客運大樓童夢城通識學園
電話：3559 1071
網址：http://www.dreamcometrue.com.hk
圖片來源：童夢城官方網站
撰文：Msrachel
